WILLEMSTAD – Ayera un hende muhé a dualu den mondi di Mal Pais, pero a logra salb’é pasobra su telefon tabatin sufisiente bateria. Aparentemente el a bai kana ayera mainta i a pèrdè kaminda.

Den kareda di mitar di kuater di mèrdia polis a haña notifikashon di e insidente. Por a drenta den kontakto telefóniko ku e señora, pero no tabatin resultado mésora, pasobra e no por a duna punto di referensia i no tabata sa tampoko unda e tabata.

Luna pasá un turista Hulandes a muri na momentu ku el a pèrdè kaminda den e área di Parke Kristòf 

Finalmente polis a haña ayudo di VKC i Militarnan di Kòrsou, pero ta te ora ku wardakosta a laga un helikopter sirkulá riba e área, por a lokalisá e señora alrededor di 17.40.

Ora ku a hañ’é e tabata kasi inkonsiente. A hib’é ku helikòpter na un misa di Mount Pleasant, kaminda un ambulans tabata kla pará pa transpor’é pa CMC pa opservashon.