Kralendijk, riba djamars dia 27 di aprel tin dos infkeshon nobo di Covid na Boneiru. Di otro banda tambe 1 persona a rekuperá. Ku esaki, e kantidat di kaso aktivo na Boneiru a subi leve bai 19 kaso aktivo.

Algu preokupante ta e echo, ku a haña dos kaso positivo den apenas 5 hende ku a tèst. Esaki ta un porsentahe relativamente haltu.

Preokupashon

Gezaghèber Edison Rijna djasabra ku a pasa a ekspresá su preokupashon ku aktitut di sierto grupo riba e isla. A suavisá e medidanan ku tabata na vigor, pero Rijna a enfatisá ku mester anda ku koutela, evitá aglomorashon di hende i ku mester sigui tene distansia.