WILLEMSTAD – Brakkeput ta haña un sentro komersial ku un variedat grandi di tienda, un supermerkado, un skol pa deporte, horeca i entretenimentu. E proyekto ta parti di e LXRY Resort nobo ku ta 24.000 meter kuadrá.

E proyekto ta bini den kurason di diferente bario manera Cas Grandi, Brakkeput, Jan Thiel, Montaña i Jan Sofat. Banda di esei LXRY Resort ta bai realisá djeskuater vila luhoso, sinkuenta unidat modular ku por hasi mas grandi òf mas chikí segun deseo di e hürdó.

E vilanan lo ta kla pa fin di 2023 i segun espektativanan e sentro komersial i e supermerkado lo ta kla den e último kuartal di 2024.

E sentro komersial, ku ta un diseño di arkitektonan VIP, ta konsistí di dos piso. E promé piso lo ta pa tiendanan, mientras e di dos piso lo ta pa horeca. Tambe e desaroyadónan tin idea di inkorporá un ‘food market’  kubrí den e konsepto.

LXRY Resort ta hopi sentral i lo tin ámplio lugá di stashoná outo.  ‘Koopgoot’  na Rotteram a fungi komo base di e diseño final.