WILLEMSTAD – Gobièrnu ta bai pone eksigensia mas severo pa e sektor di loteria na Kòrsou. Na momentu di petishon pa renobá un pèrmit nan mester kumpli ku kondishonnan atministativo adishonal.

Lo bini un obligashon pa registrá e atministrashon segun un sistema outomatisá i  Curaçao Gaming Control Board, GCB lo tin mas flèksibilidat pa supervisá i kumplimentu.

Ku e pakete di sugerensianan di adaptashon gobièrnu ke logra pa trese e riesgo di e sektor di loteria na Kòrsou, kaminda ta sirkulá kantidat grandi di plaka, bèk na un nivel akseptabel.

Pasobra ku tráfiko intensivo di sèn kèsh ku ta karakterístiko pa e nogoshi di loteria, ta konsiderá henter e sektor vulnerabel pa labamentu di plaka i otro práktikanan ku no ta pèrmití.

Mirando ku esaki ta inkompatibel ku e rekomendashonnan di Financial Action Taskforce pa loke ta trata labamentu di plaka i finansiamentu di terorismo, kaminda Kòrsou a komprometé su mes komo kompetensia,  e lo a kondusí na ekskluí e sektor di loteria di servisio bankario primario.

Konseho Sosial Ekonómiko, SER mientrastantu a duna konseho riba e proposishon. E konseho no ta públiko ainda.