DEN HAAG – Jafar Arias (27) ta firma kontrato pa un temporada ku Helmond Sport ku e opshon pa alargashon pa un temporada mas. Probablemente ta dura algu si promé ku e por hunga.

E atakante di 1.91 meter largu no tabata afiliá na ningun klup despues di un Aventura na FC Arhes Pitesti di Rumania, kaminda el a hunga pa delaster biaha den luna di febrüari.

Helmond Sport tabata buska den e periodo di transishon di verano un mediokampo ku ta físikamente fuerte i e tempu ei kaba tabata pensa riba Arias. Pero henter e trayekto a dura mas largu pa motibu di chèkeo médiko di e mediokampo prosedente di Kòrsou, ku no a hunga niun partido ya pa seis luna kaba.

Arias ta e di djesnuebe atkisishon di Helmond i e mester pèrkura pa e ekipo tin mas forsa den e delantero.

Eksperensia 

Arias, ku a nase na Kòrsou, tin e eksperensia nesesario den futbòl pagá: el a sigui su formashon na FC Groningen i a hunga na 2014 dos partido komo suplente. Na FC Dordrecht el a kuminsá su karera di bèrdat: ku dieskuater gol i djesdos wega kompleto. Den 71 wega di kompetensia el a fòrsa un tránsito pa FC Emmen.

Na Drenthe el a bria spesialmente den e ekipo di reserva, pa despues e atakante aki a hunga pa VVV-Venlo, kaminda el a anotá 4 gol den 29 partido den liga.

Despues Arias a skohe pa Rumania i a hunga tambe mientrastantu shete partido internashonal pa Kòrsou, di kual e ultimo ta data di 2019.