WILLEMSTAD – Ta bon si empresanan lokal fin-tech i interesadonan riba merkado na Kòrsou bira miembro di CFA, Curaçao Fintech Association. Esei Cedric Pieters di Banko Sentral ta boga pé.

Fintech ta referí na ‘Apliká teknologia i inovashon pa hasi produkto- i servisionan finansiero mas efektivo i/òf disponibel pa usuarionan’.

Pronto CFA ta bira e organisashon ofisial ku ta representá gobièrnu i Banko Sentral ora ta trata desaroyo den e sistema eco di pago, infrastruktura i produkto- i solushonnan  finansiero inová i leinan ku ta relatá na esaki. 

Representantenan di organisashonnan di gobièrnu, bankonan i entidatnan finansiero, komersiantenan i empresanan-fintech a haña e invitashon aki siman pasá na un reunion di Fintech, kaminda nan por a sera konosí ku e direktiva i e fundadónan di CFA.