WILLEMSTAD – Defensa a hasi ehersisio pa promé biaha ku MQ-9 sin tripulashon, un asina yamá ‘Remotely Piloted Aircraft System’. E ehersisio a tuma lugá na aeropuerto di Kòrsou.

Caribbean Pirates, asina e ehersisio yama kaminda  e Joint Terminal Attack Controllers di e Kuerpo di Marina i 306 Squadron ta traha pa promé biaha huntu.

“Pa nos e ta un stap mas den e proseso operashonal di tèst i evaluá e 306 Squadron Hulandes”, kapitan Bram ta bisa, ku ta responsabel pa kordinashon i ehekushon di e ehersisio riba e base Merikano FOL na aeropuerto Hato.

No ta asina asina a posishoná un parti importante di ‘su’ squadron, komplementá  ku un grupo di siguridat di Object Grondverdediging di forsa aéreo, na Kòrsou.

E situashon di wer ta mihó ku den nos pais. Tambe ta bini aserka ku e kantidat di operashon aéreo di aviashon sivil riba e isla ta nada kompará ku na Hulanda.

E MQ-9 por ta sin tripulashon, pero e palanka debídamente mester ta den man di un piloto eksperensiá. P’esei e ta un Remotely Piloted Aircraft System, lokual ta nifiká ku ta operá e avion di distansia.

E avion tin un radar i medionan pa komunikashon via satélite. Ku e  kòntròl via satélite por operá e MQ-9 rònt mundu. Pa medio di e komunikashon ku satélite ta posibel tambe ku analistanan di imahen ta mira e datonan di kamera práktikamente mésora. 

Nan por manda e imahennan aki òf otro informashon na nan turno mésora pa militarnan den vèlt. Bou di e halanan e avion tin algun punto pa karga kos. Por usa esakinan pa èkstra tanki di gasolin òf sistemanan di opservashon òf arma adishonal.

E proseso di tèst i evaluá ta dura den prinsipio e sobrá di aña. Den e periodo ei ta sigui tèst e radar, e kamaranan i e stashon na tera. Banda di esei ta tèst naturalmente e konsepto di operashon den práktika, inkluso táktika- i proseduranan. Ora a finalisá tur kos, e unidat ta kla pa usa.

E 306 Squadron lo bai operá for di Base Aéreo Leeuwarden, maske ku ta keda un departamento akinan pa sostené e programa di tèst i evaluashon.