WILLEMSTAD – Kòrsou ta presente na e di 34 Gramado International Tourism festival, Festuris. Esei ta tuma lugá di 3 te 6 di novèmber na Brasil. Esei Ofisina Di Turismo, CTB, ta informá.

“E merkado di Brasil ta habrí pa Kòrsou i pa e motibu ei CTB ta bai e bolsa ku un delegashon di djes hotèl i risòrt, entre kua Avila, Kunuku Aqua Resort, Corendon, Papagayo, Renaissance i Sandals”.

Pa e edishon aki CTB tin un propio stènt i un esena ku bich pa enkurashá tur bishitante pa saka  ‘selfie’ i pòtrèt.

CTB ta profilá Kòrsou komo destinashon den Karibe ku mas ku 35 bich, un patrimonio diversifiká ku 55 diferente kultura i un arkitektura Europeo tradishonal inigualabel.

Segun CTB Kòrsou ta un ambiente perfekto pa tur sorto di biahero. Willemstad, un patrimonio mundial di UNESCO, ta un hoya eksepshonal den área di Karibe.