WILLEMSTAD – Djasabra próksimo, 29 di òktober, ta tuma lugá ‘Flavors of Curaçao 2022’. E evento kulinario aki ta ofresé e bishitantenan e oportunidat pa saboriá un skala ámplio di kuminda, prepará pa e mihó restorantnan di Kòrsou.

E evento ta pa rekoudá fondo di Curaçao Hospitality and Tourism Assosiation, CHATA. Tur benta ta bai pa e inisiativanan pa sostené desaroyo i kresementu di e sektor turístiko, manera Curaçao Culinary Team, Stars of the Industry Events (Tourism Employee Appreciation), Programanan di rekurso Humano i Kampañan di konsientisashon di Turismo.

E evento lo mester a tuma lugá 24 di sèptèmber último, pero pa motibu di mal tempu mester a suspendé esaki. Awor ‘Flavors od Curaçao’ ta tuma lugá djasabra 29 di òktober for di 6’or atardi na Renaissance Wind Creek Curaçao Resort.

CHATA a konfirmá ku lo honra tur karchi ku a bende adelantá riba e anochi di 29 di òktober ei.