WILLEMSTAD – Kamara di Komersio no tin problema pa oumentá e sueldu mínimo. Den un karta dirigí na minister Ruthmila Larmonie-Cecilia di Desaroyo Sosial i Trabou nan ta bisa ku mester sigui traha si riba fleksibilidat di merkado laboral. 

Punto di salida ta ku e grupo ku ta kobra sueldo mínimo mester mantené su forsa di kompra, mientras ku produktividat di trabou mester oumentá i mester traha riba desempleo.

Na e momento aki trahadónan di 21 aña òf mas ta gana 9,62 florin bruto pa ora, 384,80 florin pa siman òf 1.666,18 florin pa luna. E ministerio ta na fabor pa esaki  subi ku 11.2 porshento entrante 1 di yanüari 2023.