WILLEMSTAD – Kobradó di Impuesto i Inspekshon di Impuestoa introdusí un obligashon di identifikashon. E motibu ta e kantidat grandi di keho ku ta sinti falta di identifikashon serka personal di servisio di impuesto. 

Tur empleado ku ta den e edifsio mester tin un badge bistí ku un pasfoto, nan nòmber i fam i nan funshon.

Na momentu di yamadanan telefóniko, korespondensia via meil òf otro korespondensia ku kliente e empleado mester menshoná su nòmber i fam, su funshon, su adrès di meil i su number di telefon dirèkt.

Esaki no ta konta pa kartanan outomatisá i balotashonnan ku servisio di impuesto ta manda.