WILLEMSTAD – Empleadonan di servisio di impuesto di Kòrsou ta kansá ku minister di Finansas Javier Silvania ku regularidat ta skirbi riba Facebook tokante nan trabou.

Nan a akudí serka nan sindikato ku e petishon pa hiba un kòmbersashon pa trese un fin na esaki. Segun e sindikato ABVO hopi pagadó  di impuesto ta konfrontá e empleadonan ku e notisianan aki i e ora ei ta bini diskushon pisá.

E empleadonan ta mustra ku nan servisio mediokre  tin di haber ku e Bearingpointsystem (un asesoria independiente di maneho i teknologia)  ku nan tin ku traha kuné i ku no ta funshoná.

Enbes di dediká tempu na Facebook e minister mester hinka su energia den solushoná e problemanan di e sistema malu di informátika, segun e empleadonan.