WILLEMSTAD – Kòrsou ta bira mas kalor. Esei Tim Kelder di e fundashon Hulandes Climate Adaptation Services (CAS) ta bisa. El a hasi investigashon riba petishon di operadó di haf di CAP. Segun Kelder esaki ta un konsekuensia di kambio di klima.

Kelders a hasi e investigashon huntu ku Felix van Veldhoven i e ta un investigashon eksplorativo tokante menasa- i riesgonan di klima pa hafnan.  Na e momentu aki e temperatura anualmente di mas tantu ta den kareda di 33 grado Celsius, ku un rèkòrt di 38.3 grado. Na 2050 esei lo bira ku tur probabilidat 36 grado Celcius anualmente ku kasonan eksepshonal di 42 grado.

Durante un charla riba efektonan di kambio di klima pa Kòrsou ku Curaçao Ports Authority, CPA, a organisá, Kelder a ekspresá su atvertensia.

Segun e investigadónan nivel di laman rondó di e islanan ABC lo subi mas rápido ku den e desenionan ku a pasa. Na 2050 e ta premirá un subida di 28 centimeter. Despues di 2050 e ta bai mas rápido i por yega te 85 centimeter mas haltu ku awor ta e kaso.