WILLEMSTAD – Arief Salarbaks i Sharvan Debipersad a optené plata i bròns durante e Curaçao Open Challenge ku a tuma lugá siman pasá. E Gran Maestro Brasilero Allan Silva a bira kampion invikto. 

Bintikuater hungadó di dam di den region i Sürnam a partisipá na e torneo di Kopa Mundial di tres strea. Na tur tabatin 62 hungadó na Willemstad.

E dos Sürnamnan a duna mihó presentashon. Ámbos hungadó di dam a finalisá ku djesdos punto den nuebe partido (sinku ganá, dos empate i dos pèrdí), pero Salarbaks a bira semikampion pasobra e tabatin mas punto di resistensia mientras Debipersad a finalisá na di tres lugá.

Allan Silva ku a buta e torneo na 2018 riba su nòmber, a gana ocho di e nuebe partidonan i e otro tabata empate. Na e torneo a partisipá un Gran Maestro Internashonal, nuebe Maestro di Federashon  i un Kandidato Maestro di Federashon