Kralendijk- E kantidat di kasonan di Covid-19 na Boneir a sibui subi ku 3 kaso nobo ku a tèst positivo pa e virus. Na tur 35 hende a bai pasa e tèst di Covid.

Kompará ku ayera, no tin niun hende ku a rekuperá, ku konsekuensia ku awe tin na tur 21 kaso di Covid-19 na Boneiru. Loke si por ripará ku e kantidat di kaso, den dianan ku a pasa, ta birando kada bes un tiki ménos. Di 7, pa 7, pa 4 i awe 3. Ta di spera ku esaki lo sigui baha.

Gobièrnu a bisa ayera ku e kontagionan nobo no mester ta un fuente di preokupashon inmediato, ya ku e fluktashon aki por ta normal den un komunidat chikitu. Lo mester sigui wak kon e sifranan ta sigui desaroyá.