KRALENDIJK- Diputado Nina den Heyer djabièrne a hala porta su tras, despues di su último dia di trabou komo mandatario den Konseho Ehekutivo di Entidat Públiko Boneiru. 

Den Heyer lo sigui komo hefe di minsterio di OCW na Boneiru. Den Heyer djabièrnè a bisa di yama un danki na tur hende ku  ken ela traha huntu durante su tempu komo diputado. “Tabata dibertido i mi a siña hopi. Aunke mi no a logra tur kos ku mi tabata ke, mi ta kontentu ku mi por a kontribuí pa nos siudadanonan. 

Polítika

Den Heyer ya algun luna atras a laga sa ku e bida den arena polítiko tòg no ta p’e. Ta un sekreto públiko ku Den Heyer tabata desapuntá tambe pa e falta di koperashon di parti di Hulanda, ora ta traha di kombatimentu di pobresa i, por ehèmpel, fihamentu di e ‘minimo sosial’. 

Den Heyer a bisa di ta kontentu ku den su funshon nobo tambe e lo por sigui traha pa e bienestar di e hendenan na Boneiru.