WILLEMSTAD – Dispensa pa e pasado di sklabitut tin balor solamente ora ekspresá esei inkondishonalmente. Esei presidente di e partido polítiko Ubuntu Connected Front UCF  ta skirbi den un karta habrí pa gobiernu Hulandes.

Regillio Vaarnold ta skirbi ku inkondishonalmente ta nifiká: despensa sin limitashonnan pa rekuperashon di derecho. “Despensa sin rekuperashon di derecho étiko, históriko, edukativo, finansiero. sosial-ekonómiko òf kultural no ta despensa”, segun e hurista di derechonan humano Vaarnold.

Den e karta e ta mustra ku Nashonnan Uní a kalifiká sklabitut i trafikashon di katibu komo un krímen kontra humanidat i ku sin medidanan di rekuperashon – entre kua pagonan pa rekuperashon – lo keda eksistí rasismo kontra siudadanonan di origen Afrikano.

Segun Vaarnold a mustra e gobièrnu aktual i e gabinete sufisientemene  riba e importansia di rekuperashon di derecho i ku nan ta ko-kulpabel pa laga e impakto negativo di e pasado di sklabitut sigui kontinuá bou di e komunidat diáspora Afrikano.

Ku e karta UCF ke ilustrá gobièrnu Hulandes ku nan mester invertí mas tempu pa asina e propósito pa pidi despensa lo ta un éksito pa tur esnan enbolbí,  segun Ubuntu.