WILLEMSTAD – Servisio di Impuesto di Kòrsou ke mehorá su servisio na kliente, entre otro e ke hasi e formulario di deklarashon onlain mas fásil pa usa.

Pa sierto gruponan e formulario aktual ainda ta muchu kompleho di manera ku regularidat ta hasi e mésun foutnan na momento di yena i esei ta okashoná retrasonan inesesario.

Ta duna prioridat pa yena outomátikamente algun dato di deklarashon di impuesto di ganashi di 2020 den e deklarashon di 2021. Esaki ta un adaptashon relativamente símpel i e ta skapa e pagadó di impuesto hopi trabou.

E adaptashon aki ta aktualmente den e fase di tèst. Awor ku pa gran parti  a imponé e balotashonnan di impuesto di entrada personal di 2021 ta analisando e balotashonnan aki.

Ta inventarisá kua quick wins por hinka den e formulario di deklarashon di impuesto di entrada personal pa evitá problema ku data inkorekto i/òf insufisiente  na momento di prosesá e deklarashonnan. Tur esaki adelantando riba un análisis integral di e formulario di deklarashon.