DEN HAAG – Hulanda ta purba via ministerio di Asuntunan Eksterior i e ambasada Hulandes pa yuda personanan Hulandes ku ta pegá na Peru. Den e pais Suramerikano a surgi protestanan grandi kontra detenshon di e presidente Pedro Castillo ku nan a baha.

Un kantidat di aeropuerto ta será, pues tin turista ku a keda pegá na Peru. Segun minister Wopke Hoekstra di Asuntunan Eksterior e situashon ta enberdat inkieto.

Su ministerio a pone e konseho di biaha pa Peru pa oraño. Personanan Hulandes por biaha pa Peru solamente den kasonan di biahenan di urgensia.

Segun e konseho di biaha ta sumamente importante pa personanan Hulandes no bai den besindario di demonstrashon- òf disturbionan. No tin un bista kla di e personanan Hulandes ku ta aktualmente na Peru. “Tin hende ku por maneha e situashon bon i konosé e pais basta tempu kaba. Otronan ta puntra nan mes: kon tin ku sigui awor i ta buska kontakto ku ambasada”, señor Hoekstra ta bisa.