WILLEMSTAD – Awe mainta tempran un morto a kai na Montaña riba kaminda Hose Papa Liberia. Segun e bosero di polis interino Luis Curiel ta trata di un aksidente unilateral.

Na yegada di polis a topa ku un hòmber heridá den su outo, pero ora ku ambulans a yega e hòmber no tabata duna señal di bida mas.

Kon e aksidente por a tuma lugá no ta konosí ainda. E hòmber a kita for di kaminda i probablemente pa motibu di velosidat haltu a bai dal den un muraya. Ta investigando si tabatin uso di bibida tambe.

Ku e kaso aki e kantidat di morto den tráfiko a yega e aña aki na 26. Ku un siman mas pa bai den 2022, e rèkert tristu di 2003 ta bira visibel ora ku 27 persona a pèrdè nan bida den tráfiko. E aña siguiente trinta persona a pèrdè nan bida pa motibu di aksidente den tráfiko.