KRALENDIJK- Hopi hende a reakshoná di shock ora riba promé dia di Pasku otro siliksta a resultá mortalmente heridá despues di un aksidente riba Kaya Korona.

Loke ta hasi e suseso èkstra lamentabel ta ku e shofur di outo ku a dal e siklista ni sikiera a para, pero a sigui kore despues di a aksidente. Mas den transkurso di dia, polis dia KPCN a logra arestá E.M.T. di 32 aña di edat.

Remarkabel tambe ta ku, apesar di e seriedat di e aksidente ku konsekuensia fatal, polis no a saka ningun komunikado ku mas informashon. Por komprondé sin embargo ku KPCN ta hasiendo investigashon ainda den e kousanan eksakto di e aksidente. Ku e último aksidente aki, Bonaireu a yega un total di 3 morto den tráfiko.