WILLEMSTAD – Kòrsou tin 24 resepshonista i guia turístiko entrená aserka. Nan a sigui entrenamentu komo parti di e Programa di entrenamentu Horeca, ku tabata na enkargo di Teamwork Curaçao. Na tur a parti 37 sertifikado.

E personanan ku a slag a haña formashon pa servisio na kliente, komunikashon efektivo, etiketa na telefon i tratamentu di keho.

Na tur 13 persona a finalisá e kurso di Guia turístiko ku éksito. E kurso tabata na enkargo di One Carribean i tabata konsistí di e siguiente partinan: Komuniká efektivo, guia durante un paseo, guia  riba vehíkulo den movimiento i guia pa tur hende.

Tambe e partisipantenan a finalisá ku éksito  e Entrenamentu pa Empoderamientu & Orientashon di Servisio. E meta di e entrenamentu ta pa profeshonalnan motivá ofresé servisio di kalidat haltu na nan klientenan.

Ministerio di Desaroyo Ekonómiko ta atministrá e Hospitality Sector Training Program i Curaçao Tourist Board CTB ta tene kòntròl riba ehekushon di e programa.