WILLEMSTAD – AVROTROS a kibra lasonan ku Rebecca van der Weijde, e trahadó di ‘podcast’ di e seri ku ta trata fundashon di kachónan di kaya na Kòrsou. Esei Villamedia, e sitio di notisia Nederlandse Vereniging van Journalisten NVJ, ta informá.

Segun van der Weijde ta pasobra el a analisá e kapasidat di e programa di televishon Opgelicht! den su seri di podcast.

Den e  transmishon a akusá e personahe di televishon Rossana Kluivert di ta usa pretekstonan falsu pa rekoudá fondo pa un asilo pa kachó na Kòrsou. E fundashon lo no ta entregá kuentanan anual i lo a krea duda di eksistensia di e asilo.

Mésora despues di e transmishon tabatin keho di e tono sugestivo di e transmishon. Entre otro Peter R, de Vries i John van den Heuvel a defendé Rossana Kluivert.

Mr. Royce de Vries a entamá un kaso kontra AVROTROS na nòmber di Kluivert. De Vries a eksihí entre otro ku ta kita e transmishon oflain. Wes no a bai di akuerdo ku e petishon.

Sinembargo Van der Weijde, ku tambe a traha diferente podcast pa AVROTROS, a bai koba un biaha mas den e kestion di asilo pa kachó den e seri di kachó di seis parti: DogMob.

Segun Van der Weijde mes a bisa el a haña tur libertat pa hasi su investigashon. El a biaha pa Kòrsou i a bini ku e prueba ku Kluivert no a hasi tantu fout

AVROTROS a reklamá ku tabatin insufisiente kontradikshon despues ku e promé episodio a aparesé onlain. E emisora a duda tambe na e imparsialidat di Van der Weijde.