LIMA – A sentensiá Joran van der Sloot (35), ku ta sintando un kastigu di 28 aña na Peru pa morto di Stephany Flores, pa 18 aña èkstra di prizòn pa motibu di trafikashon di droga. 

Mester a sentensiá Van der Sloot na Peru, pasobra e tabata laga kokaina drenta di kontrabanda na gran kantidat na e prizòn di Juliaca, kaminda e ta será pa basta tempu kaba. Via di un familiar di un otro prisonero tabata laga e droga drenta den entre otro ‘remolacha di azucar’.

Segun korte di hustisia Van der Sloot tabatin un ròl krusial den e kòmplòt di droga. E tabata bende e koka ku e otro prisoneronan, pero tambe tabata manda e koka skondí den paketenan di pòst pa adrèsnan den eksterior. Di e manera ei e tabatin un nogoshi lukrativo, ku sinembargo a kaba na nada ora e bewakernan a deskubrí e ruta di kontrabanda.