WILLEMSTAD – E pareha real, Willem Alexander i Máxima i prinsesa Amalia ta bishitá e parti Karibense di Reino for di djabièrnè 27 di yanüari te ku djaweps 9 di febrüari 2023. Nan ta bai promé Boneiru i Aruba, i sigui despues pa Kòrsou, kaminda nan ta yega 1 di febrüari. E delegashon ta keda einan te ku djabièrnè 3 di febrüari

Despues nan ta sigui pa Sint Maarten, Sint Eustatius i Saba. E bishita aki ta pa Prinsesa di Oranje sera konosí ku e parti Karibense di Reino. E islanan a traha un programa, kaminda kultura, naturalesa, pasado kolonial, defensa, deporte i enkuentro ku habitantenan ta sentral.

E pareha real i e prinsesa ta nabegá riba 1 di febrüari di Aruba pa Kòrsou ku e barku di marina Zr.Ms.Holland, ku ta stashoná den área di Karibe. Na bordo tin un kòmbersashon tokante embolbimentu di minsterio di Defensa den área di Karibe, siguí pa demonstrashonnan i  un guia riba e barku.

Despues di e yegada den St. Annabaai na Willemstad Gobernador señora Lucille George-Wout ta yama bonbiní ku e tradishonal seremonia di bonbiní.

Dia 1

Un dia despues ta start e bishita ku un paseo riba  brùg di ponton bai Brionplein, kaminda  Rei ta duna inisio na inskripshon pa weganan di Reino

Muchanan di enseñansa di fundeshi ta partisipá na kompetensianan di deporte riba Brionplein. Ta sigui un bishita na Otrobanda, kaminda nan ta papia ku habitantenan i artistanan. Despues tin un lùnch ku outoridatnan Kurasoleño den palasio di Gobernador.

Mèrdia e bishitantenan real ta bishitá e barionan Punda i Skalo. Den Punda Rei ta traha un moneda komo markadó di 25 aña ku Willemstad ta Patrimonio Mundial di UNESCO. Tambe nan ta bai fèrf un Chichi, un skulptura típiko Kurasoleño, ku ta simbolisá e ruman muhé mayo den un famia. Despues nan ta kana den skalo, ku arte riba kaya, músika i proyektonan di deporte pa hóbennan.

E rekorido ta finalisá na brùg Prinses Amalia, kaminda e bishitantenan real ta skucha e wals Amalia ku a komponé pa e Prinsesa.

Anochi tin un komementu den Kathedraal van Doornen, ku bintiun Yu di Kòrsou ku ta nifiká hopi pa komunidat. E kantidat di wéspet ta símbolo di e matrimonio di 21 ana di e pareha real riba e dia ei.

Dia 2

Mainta e bishitantenan real ta bishitá Lanthùis Knip, e plantashi kaminda Tula a kuminsá ku e rebelion na 1795. Nan ta wak un presentashon di e rebelion i ta papia ku desendientenan di katibunan.

Ta sigui ku un bishita na Hòfi Mango, loke tabata un plantashi i awor ta un parke di naturalesa, kaminda entre otro a start ku un formashon pa hortikultura.

Mèrdia rei Willem-Alexander, reina Máxima i prinsesa Amalia ta bishitá un demonstrashon di Sea Turtle Conservation i Dutch Caribbean Nature Alliance riba e playa di Cas Abou tokante áreanan marítimo protehá i konservashon di e populashon di turtuga.

Pa klousurá e bishita na Kòrsou tin anochi riba Brionplein “Un konsierto di Tumba” ku aktuashonnan karnavalesko. Ta organisá e anochi na honor di e fayesido Boy Dap, ku ta rekonosé komo Rei di Tumba. Un estilo di baile i músika ku tin su origen den Afrika.