PARAMARIBO- Surinaamse Luchtvaartmaatschappij (SLM) djaluna a ehekutá un promé buelo di Sürnam pa Kòrsou i Aruba. 

E Boeing 737-800 ku registrashon PZ-TCV, na promé instante lo wòrdu usá solamente pa buelonan pa Kòrsou i Aruba. Esaki pendiente registrashon di e avion nobo ku autoridatnan na Merka, pa por kuminsá bula pa e pais ei tambe. 

Segun SLM a bisa den un komunikado di prensa, ta spera e outorisashon drenta den transkurso di otro siman. E ora ei e avion nobo lo bula pa Georgetown na Guyana i Miami na Florida tambe. 

Ku e introdukshon di un avion ‘propio’ ta bin bek un trankilidat na e kompania di aviashon ku pa dos aña largu no tabata tin ni un avion, despues ku e avionan ku e kompania tabata usa anteriormente a wòrdu tumá den beslag pa sumanan atrasá di hür. 

Danki

Surinam Airways ta bisa di ta yama danki na su pasaheronan aktual i esnan ku lo bula ku e kompania den futuro. “Ku introdukshon di nos propio avion i nos propio empleadon, nos ta spera di drenta un era nobo den historia di nos kompania’, asina SLM a bisa.