KRALENDIJK- Riba djaluna 30 di yanüari e partidonan polítiko ku ke partisipá na e elekshon(nan) a entregá nan lista di kandidato na Passangrahan. 

Na kaminda pa e elekshonnan ku ta tuma lugá dia 15 di mart 2023, tradishonalmente e momentu akí ta inisio di e periodo di kampaña promé ku elekshon. E partidonan ta hasi uso di e oportunidat pa kolektivamente entregá e lista di kandidato i e dokumentunan nesesario.

Despues ku djaluna e partidonan a entregá e listanan di kandidato i e dokumentunan korespondiente, seguidamente ofisina elektoral sentral ta investigá listanan di kandidato. 

Riba djabièrnè 3 di febrüari 2023 pa 17:00 or ofisina elektoral sentral ta bini huntu den seshon i konsekutivamente nan ta disidí si e listanan di kandidato ku a keda entregá pa elekshon di miembro di Konseho Insular di Entidat Públiko Boneiru i pa elekshon di miembro di Kolegio Elektoral ta bálido i nan ta duna e listanan un number. 

Seshon públiko

E seshon públiko akí ta tuma lugá den Passangrahan na Plasa Wilhelmina i por wòrdu siguí via di livestream.