ORANJESTAD – E famia real a haña djaluna un kaluroso bonbiní serka e habitantenan di Aruba. E no a bai sin problema si: nubianan di huma grandi di e dùmp di sushi Parkietenbos entre otro a sorpresá e kompania real na nan yegada na Aruba.

Riba medianan sosial ta sirkulá ku ‘e promé kos ku rei lo puntra ora ku e sali for di avion ta: esei ta Parkietenbos?’ Minister di Naturalesa, Ursell Arends ta bisa Caribisch Netwerk ku ta ópvio ku esaki ta un mensahe pa e famia real. “Ta kedami straño si e rei no a mira esaki for di avion”.

Ta bini un investigashon interno di e kandela i posiblemente un denunsia tambe, e minister ta bisa. Segun Arends su ministerio a tuma akshon mésora. “Empresa Selimar tin imáhennan di video den su poder i a base di esaki ta sigui tuma pasonan nesesario pa hasi denunsia”, segun e mandatario ta komentá algu promé ku e famia real yega Wilhelminaplein.