KRALENDIJK- Na Boneiru por a ripará un konfushon total den wikent tras di lomba, pa loke ta trata e plannan pa Bachelors Beach, tambe konosí bou di e nòmber Playa Fornu di Kalki. 

Aunke ku algun tempu pasá a presentá plannan grandi pa e playa aki, a lanta hopi krítika bou di poblashon ku tabata sinti ku e playa lo pèrdè su identidat i atrakshon, i ku esaki lo keda dominá pa turista ku ta bishitá e isla. Tambe por a skucha e krítika ku den plannan original lo a tene kuenta ku muchu tiki lugá di stashoná outo, mientras ku for di awor en general kasi hinter e tereno ta yen di vehíkulo

Entrevista

Resientemente den un entrevista ku eskritor Auke van der Berg a tene ku diputado Hennyson Thielman, esaki a sugerí ku e plannan original lo a kambia. “E plan original tabata muchu grandi, di forma ku nos a adaptá esaki”, asina Thielman a bisa Van der Berg. Riba un bòrchi ku por a mira den fin di siman, e plannan original a keda intakto. Siman pasá a manda invitashon pa un konferensia di prensa pa ku e desaroyo na e playa en kestion, pero esaki a keda kanselá djadumingu anochi lat pa departamentu di komunikashon di Entidat Públiko Boneiru (EPB).