Pa Athur Sealy

Despues di 10-10-10 Bonaire komo  Entidat Públiko a konosé tres elekshon pa konseho Insular Den tur e tres elekshonnan por a mira kiebro den partido òf den koalishon ku konsekuensia pa konstelashon di Kolegio Ehekutivo. Den e periodo di 2011-2021 tabatin kiebro den koalishon i den partidonan.

Den e periodo 2011-2019 UPB a bai di kuater asiento te dos asiento, pero a keda forma koalishon i keda den Kolegio Ehekutivo. Den e konstelashon aktual di Konseho  Insular tin un kiebro den MPB. Ta parse ku un koalishon di sinku ta mas fuerte ku un koalishon di seis.

Un punto remarkabel ta ku tantu despues di elekshon di 2011 i di 2019 nunka a eksplorá un koalishon basá riba shete miembro den Konseho Insular a base di resultado di elekshon. E pregunta ta:  Ku kua mayoria, sinku òf shete, pueblo ta mas enbolbí i mas mihó sirbí. den gobernashon di Bonaire? Mi ta spera ku ta bini un debate riba e punto aki. Ami ta partidario pa un koalishon di shete i no di sinku.

Den un koalishon di sinku òf un partido ku mayoria di sinku, interes personal i di partido ta mas importante ku interes general.  Den un koalishon di sinku e peso pa no kita sosten ta grandi ku e konsekuensia ku Kolegio Ehekutivo ta haña e poder na lugá di konseho Insular. Den koalishon di shete por skohe pa un Kolegio Ehekutivo personanan íntegro, ku bon reputashon i respetuoso ku nunka a figurá riba un lista polítiko.

Di mes nan lo buska profeshonalnan i no kolaboradónan mará na un partido polítiko manera ta e kaso awor.  Miembronan di Konseho Insular tin mas libertat pa trese nan opheshon di konsenshi dilanti sin sinti e preshon di partido i ta  keda loyal na programa di partido i akuerdo di gobernashon.