WILLEMSTAD – Un hòmber a sak den otro antayera i fayesé despues di landa. Personal di ambulans ku a kore yega no por a hasi nada mas p’e. E insidente a sosodé riba e playa di Boka Sami.

E hòmber a bai landa einan ku algun konosí. Na dado momento el a haña problema den awa, pero por a bini kantu riba propio forsa.

Pero algun ratu despues el a sak den otro. Personanan ku tabata presente a reanim’é, despues ku ambulans a yega e personal di ambulans tambe a reanim’é, pero sin resultado.