WILLEMSTAD – Aqualectra ta ofresé klientenan ku tin meter konvenshonal e posibilidat pa nan mes duna e loke e meter ta marka riba e dia ku nan mester registrá nan uzo.

Un kuedó di meter tambe ta pasa pa hasi korekshonnan. Na luna di novèmber, dezèmber i yanüari aña pasá Aqualectra mester a kalkulá e uzo pa un grupo di kliente.

Pa motibu di e tantísimo awaseru no por a uza hopi meter mas. E klientenan aki a haña un karta ku ta bisa ku tin atenshon pa nan situashon.

Mientrastantu Aqualecta a kreditá gran parti di e resibunan di e klientenan aki pa e periodo ku a keda atras.

Registrá onlain

Tin kliente ku ta kustumbrá pa yama Aqualectra via 0800 0135 pa duna e loke nan meter konvenshonal ta marka. Pronto Aqualectra ta hasi esaki tambe aksesibel onlain riba aqualectra.com pa tur kliente ku ke tin kontròl riba nan uzo.