WILLEMSTAD – Piloto- i mekánikonan di avion tabata sobrio djaluna último. Aloménos durante kòntròl di alkohòl di polis a resultá ku niun di e djesdos pilotonan i e dos mekánikonan a konsumí alkohol. 

A efektuá e kòntròl riba plataforma den kolaborashon ku Curaçao Civil Aviation Authority.

Sa sosodé ku promé ku buelo ta hasi kòntròl i proseduranan ekstenso pa pèrkurá ku tur esnan embolbí, inkluso pilotonan i tripulante ta den kondishon tòp pa efektuá e buelo.

Ratu ratu ta tene un kòntròl despues di un buelo.