Kralendijk – Entrante djárason 26 di mei 2021 hende muhé entre 50 te ku 75 aña na Boneiru por partisipá atrobe na e investigashon di poblashon di kanser na pechu. Debí na e pandemia di corona den 2020 a para esaki temporalmente. Pa e kontinuashon a traha afsprak nobo ku tur enbolbí,  na Boneiru por ehèmpel ku dòkternan di kas i hospital Fundashon Mariadal i ku radiólogonan di Amsterdam UMC

Dor di detekshon mas trempan e chèns di kurá ta mas grandi i e tratamentu hopi biaha ta ménos pisa. E chèns pa fayesé  dor di kanser na pechu ta mas chikitu e ora ei. E sentro  pa investigashon di poblashon di RIVM lo bai organisá un investigashon di poblashon pa kanser na pechu na Hulanda Karibense tambe. Ministerio di VWS a duna enkargo.

Start di nobo 26 di mei 2021
Den òktober 2019 un koalishon lokal di ‘stakeholder’ a inisiá ku e investigashon di poblashon di kanser na pechu. Den 6 luna luna di tempu a skrin 341 hende muhé. Den mart 2020 e investigashon di poblashon a para debí na e pandemia di corona. Entrante 26 di mei 2021 ta invitá hende muhé atrobe pa partisipá na e investigashon di poblashon.

Kalidat konfiabel
Laborantenan  eksperensia di e hospital Fundashon Mariadal lo hasi e mamografia (potrèt rayo X) pa e skrinin. Dos radiólogo di Amsterdam UMC ta evaluá e potrètnan rayo X. E sentro di ekspertisio pa investigashon di poblashon (LRCB) ta responsabel pa nan edukashon i e kalidat di e skrinin.

Afspraknan kuido kontinuativo
A traha afspraknan fiho ku e dòkternan di kas i e hospital na Boneiru tokante kuido kontinuativo. E dòkter di kas ta papia tokante e iregularidat ku a diskubrí ku e hende muhénan ku a investigá. E ta referí nan na e departamento di radiólogo òf e ‘mammapoli’ den Fundashon Mariadal pa un diagnóstiko kontinuativo. E sita ta tuma lugá dentro di un siman. Dependiendo di e resultado e ‘mammapoli’ ta sòru pa investigashon mas aleu i eventual trato.

Partisipashon Evaluashon di e promé periodo di e investigashon di poblashon (te ku mart 2020) a mustra ku ta importante pa laga e komunikashon ta bon dirigí riba e grupo di enfoke na Hulanda Karibense. P’esei a adaptá e invitashon pa partisipá i e informashon tokante e investigashon.Tambe ta bin mas atenshon via medionan lokal i sosial pa e importansia di skrinin i detekshon trempan di kanser.

Mas informashon
Websait rivm.nl/bvocn òf pagina di facebook Bevolkingsonderzoek Caribisch Nederland

---

Lesa tambe:

• 
  Fundashon Across The Isles ta bai kordiná  aktividat rondo di  historia di sklabitut na Boneiru
• 
  Tayer skibi buki pa mucha tokante herensia kultural, tabata un gran éksito
• 
  Fondo Nasional di Restorashon ta duna un fiansa pa restorashon di The Old Gin House na Sint-Eustatius
• 
  Kampaña nobo ‘You’ve got the power’ a ranka sali na Boneiru
• 
  Thuersten Winklaar ta bringa pa e título di Kampion Hulandes na Den Haag