KRALENDIJK – Aparte di ta enkabesá e lista di Movementu di Pueblo Boneriano (MPB) awor a bira líder di partido mes tambe. 

Segun un komunikado di parti di e partido blou, esaki ta un stap lógiko. “Tin nesesidat di un generashon nobo di polítiko, ku lidernan ku ta krea inspirashon i ku for di un ambiente di gobièrnu stabil, ta duna direkshon na un desaroyo duradero di Boneiru kaminda naturalesa i kultura ta keda respetá i kaminda progreso i bienestar ta repartí hustamente. Esaki mester tuma lugá ku sosten di i ku sosten di un aparato públiko ku ta funshoná adekuadamente, den koperashon ku e ministerionan”, asina e komunikado a bisa. 

E partido den su komunikado tambe a nota ku Thielman den último simannan a mustra di ta un lider natural i ademas un persona ku ta krea brùg pa progreso. “E último paso ta tambe pa instalá Hennyson kompletamente den su papel di líder”, según MPB. 

Presidente

Ta nota tambe ku awor Elvis Tjin Asjoe lo bira e presidente nobo di direktiva di MPB pa, for di e funshon akí, sigui guia e partido.