ORANJESTAD – Ministerio di Aruba ta bai subastá djesdos boto, ku ta wardá na kazèrne di marina na Savaneta. Ta trata di botonan ku Wardakosta a interseptá i ku hustisia a kita for di e doñonan.

No mester warda e botonan aki mas i lo bende nan na esun ku ta tin e oferta mas haltu. Pa evitá ku ta bai kumpra e botonan ku sèn sushi, interesadonan mester inskribí delantá na Ministerio Públiko.

Por hasi esei te ku djabièrnè 17 di mart. E subasta ta riba 24 di mart i ta sosodé pa medio di un oferta por eskrito riba e boto di eskoho. Ta informá esun ku ofresé mas haltu pa boto mas pronto ku ta posibel.

Ministerio Públiko no ta duna garantia riba e estado di e botonan. E benta ta sosodé as is where is. E kumpradó mes mester pèrkurá pa transporte.