KRALENDIJK- E kompania di aviashon Dominikano, Skyhigh Aviation, pa temporada di zomer ta agregá un di dos buelo entre Bonaire i Santo Domingo.

E kompania ya kaba pa basta tempu ta ehekutando un solo buelo pa siman riba tur djabièrnè. Pa e temporado di zomer sinembargo, lo agregá un buelo èkstra riba djamars tambe. Ku esaki, tin hopi mas posibilidat di bishitá Republika Dominikana, pasombra anteriormente biahero mester a keda hinter un siman, pero awor por bai pa estadia di vários durashon. 

Ekspanshon

E kompania di Aviashon Skyhigh den último añanan a ekspandé bastante. No solamente ta agregando mas destinashon, pero tambe ta inkorporando avionnan mas grande, entre otro e Embraer-195. 

Buelonan pa Boneiru en general sinembargo ta wòrdu ekekutá en general ku avionnan Embraer-145 ku tin 50 stul na bordo.