WILLEMSTAD – Awe ta e promé debate den Parlamento kaminda miembronan di Parlamento por i mag interumpí. E adaptashon aki den reglamento di òrdu mester produsí mas debate, kaminda miembronan di Parlamento por evaluá nan mes i gobièrnu.

Ta bini tambe un momento di hasi pregunta manera ta usual den Tweede Kamer. E manera ku e ta sosodé sinembargo ta algu otro ku na den Haag. Interumpí asina asina no ta posibel, bo mester registrá serka Presidente di Parlamento. Ta pèrmití pa kada miembro di Parlamento hasi un máksimo di tres pregunta.

A entrená e miembronan di Parlamento entretanto den e sistema. E ministernan ainda nò, nan ta haña un splikashon ora nan ta den Parlamento.

Presidente di Parlamento Charetti America-Francisca ta bisa ku awe ta trata di un momento históriko. Parlamento tin años kaba ta papia di e posibilidat pa interumpí i awor e ta un echo.

E momento di hasi pregunta ta kada dos siman riba djaweps i ta bai a base di preguntanan hasí por eskrito. E kontesta ta bai verbal.