WILLEMSTAD – Minister di Finansas, Javier Silvania, ke baha impuesto di ganashi di 22 porshento pa djessinku porshento. Esei el a bisa ayera den parlamento.

E idea ta basá riba e mésun deseo pa baha impuesto di ganashi den e-zone. Esei tabata dos porshento, pero a oument’é awor na 22 porshento.

E gobernante tin miedu ku empresanan strañero i invershonistanan no ta bini awor ku impuesto di ganashi a subi asina hopi. Esaki lo ta un sla mortal pa e-zone, segun Silvania.

Parlamento a tende di e plannan di Silvania sin inkalkulashon. Tantu for di oposishon komo for di koalishon, ku aparentemente no tabata kompletamente na altura, a bini e pregunta kon ta bai finansiá e plan i e konsekuensianan pa presupuesto.

Tambe parlamento tin deseonan adishonal si ta trata di redukshon di impuesto. Giselle McWilliam di e partido MAN ta preferá pa gobièrnu wak kosto di bida i no solamente kosto di hasi nogoshi. Un adaptashon di impuesto di suèldu i impuesto OZB lo tin mas importansia.

Silvania ta kontestá e preguntanan di Parlamento dia 24 di aprel.