Djarason mainta trempan urnanan elektoral a habri na tur e tres islanan BES. Na tur tres isla, por bisa ku tin basta tenshon i suspenshon pa loke ta trata e resultadonan.

Nan Boneiru a hiba un kampaña fuerte entre prinsipalmente e 3 partidonan grandi; MPB, UPB i Partido Demokrat, pero igualmente M21 a sali dilanti hopi pa promové nan mes komo un alternativa pa e gobièrno aktual.

Na St. Eustatius, CDA-Statia, ku ta partisipá bou di e koló bèrdè e pregunta grandi ta si e partido nobo lo por logra un asiento, banda di e partidonan Progressive Labor Party (PLP) i Democratic Party (DP-Statia). E partido a trata di presentá su mes komo un alternativa lógiko i realístiko, pero hopi ta duda si nan logra saka un asiento.

Na Saba tin un menasa pa e hegemonia di WIPM, ku den último elekshon a logra saka tur 5 asiento, lagando e isla sin oposhishon parlamentario. E biaha aki si tin mas partido ta partisipando, kaminda e partido PEP, di konsehal Hemmie van Xanten i e partido di Dave Levenstone tin chèns di konkistá por lo ménos 1 asiento.