ORANJESTAD – Mas ku 98.000 bishitante ku ta keda mas ku un anochi a bini Aruba na luna di febrüari. Esei ta un kuart mas ku aña pasá, ora ku Aruba tabata den lockdown. Por kompará e kresementu mihó ku e aña promé ku corona, ora ku sinku porshentu ménos turista a bini Aruba. Esei Ofisina di Turismo Arubiano, ATA, ta menshoná.

83,5 porshento di tur bishitante ku ta keda mas ku un anochi a bini di Nort-Amérika, 6,6 porshento di Europa, 7,9 porshento di Amérika Latino i 2,1 porshento a bini di otro partinan di mundu.

35,8 porshento di e bishitantenan a buk un di e hotèlnan High-rise, 8,1 porshentoa buk den un hotèl low-rise, 25,4 porshento den timeshare i 30,6 porshento den otro tipo di akomodashon.

E preis promedio di akomodashonnan a subi den un aña di tempu ku 13 porshento. Si promé e preis tabata 231 dòler, awor e ta 262 dòler. Kompará ku 2019 por papia di un oumento di 42 porshento. E tempu ei un kamber tabata kosta un promedio di 184 dòler pa anochi.