KRALENDIJK- Un avion di charter di EZ Air wikent pasá riba un buelo entre Boneiru i Medellín djadumingu a ehekutá un aterisahe no-planeá na aeropuerto di Cúcuta, den departamentu Norte de Santander. 

E aterisahe akselerá tabata neseseario dor di un defekto den e sistema di presurisashon di avion, ku ta pone ku e avion mester baha pa bula na un altura mas abou. Despues di e aterisahe na aeropuerto di Cúcuta e pasaheronan na bordo a wordu poné riba avion di otro kompanianan, pa hiba esakinan nan destinashon final. 

EZ air ta lamentá e molèster kousá pa e pasaheronan en kestion, pero ta enfatisá ku siguridat di pasaheronan i tripulante, semper ta para na promé lugá. 

Aktualmente un tim di EZ Air su departamentu tékniko, huntu ku ekspertonan di fabrikante Saab ta hasiendo un análisis pa averiguá kiko a kousa e despertekto tékniko. Ta premirá ku e avion lo keda para algun dia na Cúcuta, promé ku esaki por wòrdu integrá di bèk pa ehekutá su buelonan regular.