WILLEMSTAD – Ta sospechá un hòmber Kolombiano di homisidio, despues ku el a kore drenta riba un agente polisial ku tabata na sivil. E insidente a sosodé djasabra último 1 di aprel den kareda di 5’or di atardi riba Kaya Wlademier ‘Coco’ Balentien.

Algu promé ku esei e hòmber di 23 aña a okashoná un choke riba Montezumaweg, pero a sigui kore bai despues.

A topa e outo i e shofùr riba Kaya Wlademier ‘Coco’ Balentien. Despues di un diskushon ku polis e shofùr a drenta su outo i kore drenta e polis na sivil ku su outo. A arestá e hòmber i despues a tene un buskeda na su kas, kaminda a konfiská un kantidat di droga i un arma di kandela