WILLEMSTAD – Fundashon Bon Intenshon a inisiá un susesor pa e Festival di Sine Internashonal Kòrsou na Rotterdam: FILM DAYS 2023, un vershon limitá di e festival. E ta kuminsá dia 21 di aprel i ta dura tres dia.

Despues ku International Film Festival Rotterdam IFFR a tèrminá fin di 2022 e kòntrakt di spònser di djes aña ku Fundashon Bon Intenshon, e fundashon di Gregory Elias a konkluí ku otro aña mas sin festival di sine no tabata un opshon.

Ta p’esei e fundashon ta kuminsá ku FILM DAYS. Na tur ta bai presentá 12 pelíkula eksitante riba dianan 21, 22 i 23 di aprel den The Movies na Otrobanda.

E selekshon di pelíkula ta konsistí di drama, suspenso i komedia i tin vínkulo ku otro tambe. Pues bo lo haña relashonnan komparabel den e pelíkulanan Aftersun i L’Innocent – e promé ta pone aksento riba un relashon di tata-yu muhé i e último riba un relashon mama-yu hòmber. Un otro konekshon den temanan bo por haña e aña aki den e pelíkula Holy Spider i Godland, ku ámbos ta konta storia di eksperensianan ku un orígen religioso fuerte.

Banda di e djesdos pelíkulanan ta bai presentá tambe  Curaçao International Film Festival Shorts, ku hóbennan lokal, uzando nan telefon inteligente, a skirbi i produsí.

Aki ta sigui un lista di tur pelíkula ku lo presentá e aña aki durante FILM DAYS 2023 – Limited edition:

1. AFTERSUN – Charlotte Wells (Reino Unido, 2022, 102′)

2. CIELO ABIERTO – Felipe Esparza Pérez (Perú, 2023, 65′)

3. EO – Jerzy Skolimowski (Polonia, 2022, 86′)

4. GODLAND – Hlynur Pálmason (Dinamarka, 2022, 143′)

5. VEEL GELUK, LEO GRANDE – Sophie Hyde (Reino Unido, 2022, 97′)

6. HEILIGE SPIDER – Ali Abbasi (Dinamarka, 2022, 115′)

7. L’INNOCENT – Louis Garrel (Fransia, 2022, 96′)

8. GEEN BEREN – Jafar Panahi (Iran, 2022, 107′)

9. ORPHEA IN LOVE – Axel Ranisch (Alemania, 2022, 107′)

10. DE BLAUWE KAFTAN – Maryam Touzani (Maroko, 2022, 118′)

11. THE WHALE – Darran Aronofsky (Estados Unido, 2022, 117′)

12. VERA – Tizza Covi, Rainer Frimmel (Oustria, 2022, 115′)

13. CIFF korte broek 1- Dreams & 1.83 (Kòrsou, 2023, 45′)

14. CIFF shorts 2 – Mi Lucha & Foi chiki un soño grandi (Kòrsou, 2023, 45′)

Ta kuminsá bende karchi dia 10 di aprel onlain i na kaha di Movies na Otrobanda.