Kralendijk- Awor ku tin ménos hende ku ainda no a bakuná i mayoria di esnan bakuná a pasa ámbos angua kaba, lo bai bakuná ménos dia pa siman.

AworBonaire ta komprondé ku lo bai bakuná ménos dia pa siman, probablemente riba djamars i djaweps ta kompleho deportivo Jorge Nicolaas.

E informashon no a wòrdu konfirmá ainda di forma ofisial, pero AworBonaire a konfirmá e notisia aki via di dos fuente ofisial ku a bisa ku lo mester saka komunikado ainda pa konfirmá e notisia aki.

Mas hende

A pesar di e echo ku no tin kantidatnan grandi di hende ku ta mèldu pa wòrdu bakuná e koordinadó di e programa di kordinashon, Joey van Slobbe, a bisa ayera den konferensia di prensa ku kada bes tòg tin mas i mas hende ku ta disidí pa bakuná. “Nan por ta gruponan mas chikitu, pero tòg e ta yuda”, asina Van Slobbe a bisa.