PHILIPSBURG- Djamars último WINAIR a yama bon biní na e Dutch Caribbean Cooperation of Airports (DCCA) Task Force pa un bishita na e aerolínia. E Task Force di DCCA ta konta ku e enkargadonan di desaroyo di negoshi di e diferente aeropuertonan di Karibe Hulandes. 

Segun WINAIR a bisa, e kompania tabata kontentu di por a risibí e diferente delegadonan pa  ta duna nan un tur guiá ku pa mustra diferente parti di e aerolinia, manera e area di deskargamentu di pasaheronan, terminalnan di abordamentu, área di operashon, mantenshon i esun di venta di pasashi. 

E grupo tabata akompañá pa e direktor operashonal di WINAIR Edwin Hodge, Ramp Manager Addisson Boston, hefe di servisio na pasahero Lisa Brooks, hefe di piloto Michael Awai i direktor di e departamento di mantenshon, David Jarramillo.

E Task Force ta konsistí di Marieke Smit di Schiphol Group, Christine Driessen di NACO, Jo-Anne Arends di Aruba Airport Authority, Peggy Croes di Curacaos Airport Partners i Suzy Kartokromo di PJIAE.

Koperashon

“Reuniones manera esaki ta importante pa traha riba un mihó komprenshon, mihó konekshon i mihó koperashon entre miembronan di e Task Force. Na fin di dia nos tur ke mesun kos, ku ta mas i mihó konekshon entre nos islanan, i nan un preis mas abou”, asina direktor di WINAIR,  Michael Cleaver a bisa. “Nos ta wak pa dilanti pa mas di e tipo di reunionnan aki pa e meta eki.”