WILLEMSTAD – Mortalidat masal bou di zeeappel den Laman Karibe ta okashoná pa bestianan ku kabei largu. Esei investigadónan di entre otro Fakultat Van Hall Larenstein i Universidat di Wageningen a deskubrí.

For di un mortalidat masal den añanan ’80 e zeeappel a disparsé riba hopi ref di koral den Karibe. Pasobra, komo un di e komedónan mas importante di alga, e no tabata kome e alganan mas, e koralnan a tapa kompletamente i koralnan yòn no por a establesé nan mes mas. Nunka a haña e orígen di e mortalidat masal misterioso aki.

Na aña 2022 tabatin di nobo un mortalidat masal bou di e mésun tipo di zeeappel aki. A nota e mortalidat na luna di yanüari riba Islanan Virgenes Merikano. For di e tempu ei e mortalidat a plama lihé i ekstenso, kaminda den apénas kuater luna a kubri mas ku 1.300 km di nort pa sùit i 2.500 km di ost pa wèst. 

Populashonnan di zeeappel infektá a bira malu hopi lihé i den un par di siman 99% di e populashon a muri. Investigadónan di Fakultat Van Hall Larenstein ku entre otro ta hasi investigashon na Saba di XXX a krea un kolaborashon internashonal, ku lo por a sigui e ekspanshon di e mortalidat den área di Karibe. 

Tambe a kolektá riba diferente isla zeeappel malu i salú, i ku nan finalmente por a sak’afó ku bestianan ku kabei largu ta responsabel pa e mortalidat masal.

A publiká e deskubrimentu aki awor den Science Advances i e ta forma un promé stap importante pa antisipá i probablemente prevení e tipo di brotenan aki den futuro. Esaki ta esensial, ya ku e aktividatnan di komementu di alga di e zeeappelnan aki ta krusial pa konservashon di e refnan di koral Karibense. 

Malechor 

E síntomanan di malesa serka e zeeappel Diadema malu durante e mortalidat masal na 2022 tabata hopi similar na esnan ku a detektá durante e periodo di mortalidat den añanan ’80: a opservá falta di kòntròl riba e patanan di tubu, reakshon lento di e sumpiñanan sigúi pa pèrdida di nan, i nekrosis di e epidermis serka tantu e zeeappelnan di laboratorio komo esnan di den laman. Populashonnan afektá a muri dentro di algun siman, kaminda sierto populashon a alkansá e sifra di mortalidat di 99%.

Un tim internashonal di investigadó, entre kua investigadónan di Fakultat Van Hall Larenstein i Universidat di Wageningen, a definí awor ku ta un bestia ku kabei largu ta responsabel pa e mortalidat masal.

A haña esaki ora a kompará material genétiko di zeeappelnan salú i malu ku tur sorto di agente patógeno potensial. E bestia ku kabei largu (Philaster) tabata presente den tur zeeappel malu i ousente den zeeappelnan salú di otro sitionan.

Seguidamente a isolá e agente patógeno na Florida i zeeappelnan salú ku a eksponé na e agente den laboratorium, a mustra hopi lihé e mésun síntomanan di malesa manera deskribí ariba. Seguidamente a haña e bestianan ku kabei largu den e zeeappelnan malu, lokual tabata un prueba opvio ku e bestianan ku kabei largu ta e agente patógeno primario.

Aserkamentu di rekuperashon

Ounke sierto populashon di zeeappel a keda intakto i probablemente lo ta entregá larva na áreanan kaminda e koriente ta kore bai abou, a desaroyá den e último desenia diferente aserkamentu di rekuperashon i sierto di nan ta kla pa apliká riba gran eskala.

Asina a logra sientífikonan na Saba pa kultivá e zeeappel, lagué krese i pon’é bèk den laman. Asina e zeeappel por tuma su ròl importante  bèk riba e ref  – tene e alganan bou di kòntròl – i e koral tin un chèns atrobe pa establesé su mes i krese.