WILLEMSTAD- Curaçao Airport Partners (CAP) resientemente tabatin plaser pa risibí e ekipo di aeropuerto di Azul Airlines pa duna sostén na preparashonnan preliminar pa lansamentu di buelonan direkto entre Brasil i Kòrsou.

E lansamentu di e servisio semanal sin parada di Azul for di Belo Horizonte-CNF pa Kòrsou-CUR, ta un primisia pa tantu e aerolínia komo pa Kòrsou. Kòrsou ta e promé destinashon di Azul den Karibe i Azul ta e promé linia aéreo ku ta ofresé servisio sin parada for di Brazil pa Curaçao. Ehekutivonan Senior di CAP a yama bon biní na Milena Mie Konno, Gerente di Relashonnan di Aeropuerto di Azul, i Aline Menezes, Gerente di Planeamentu di Aeropuerto y Maneho di Suelo di Azul. Nan a tene vários reunionnan produktivo ku diferente divisionnan klave manera Desaroyo di Merkado di Aviashon, Komersial, Operashonan, i a konkluí ku un tureo detayá di aeropuerto.

Mihó eksperensia
E servisio nobo ku ta kuminsá Diasabra, 24 di yüni 2023, lo mehorá eksperensia di pasahero pasobra e biahenan ta durante dia. E avion A320-Neo ta sali for di Belo Horizonte-CNF pa 1 ‘or di atardi i ta yega Kòrsou 6 ‘or di atardi riba Diasabra. E buelo di regreso ta tuma lugá riba djadomingo, saliendo for di Kòrsou 9 ‘or di mainta i ta yega Belo Horizonte 4 or di atardi.