KRALENDIJK- E partidonan k uta forma koalishon, UPB i MPB, ta deseá pa formalidatnan antiguo ora di huramentashon di miembronan di konseho insular òf di diputadonan ser restablesé.

Esaki, según e partidonan, pa duna un toke mas solèm na instalashon sea di miembronan nobo di Konseho Insular i diputadonan. Esaki ta loke e dos partidonan di gobièrnu ta bisa den un skirbi na gezaghèber interino Nolly Oleana. E dos partidonan ta trese nan komentario basá riba e manera kon e huramentashon di miembronan nobo di konseho insular i diputadonan a tuma lugá resientemente. 

“Den nos akuerdo di koalishon entre e partidonan UPB i MPB bou di number 5, a keda akordá ku nos lo kumpli ku e reglanan vigente durante asistensia na Konseho Insular. E koalishon a remarká ku a desbía for di un bon kustumber ku ta permití pa e miembronan nobo di konseho insular i e kòlèganan di Raad ser tendé òf jhramentá, i ku e teksto konforme artíkulo 15 di WolBES ta keda sin wòrdu lesá pa kada miembro individual,” asina ta bisa den e karta ku a ser firma pa James Kroon (UPB) i Hennyson Thielman (MPB). 

Eskudo

Además, e dos partidonan ta konsiderá tambe ku e huramentashon mester tuma lugá atrobe dilanti eskudo di Identidat Públiko Boneiru (EPB), manera tabata e kaso antes. Segun e partidonan di koalishon, esaki tambe ta yuda duna un toke mas formal i solèm na e huramentashon.