ORANJESTAD –  E bahada di preis di koriente di mas ku shete porshento na Aruba ta prinsipalmente debí na e gastu di kompra mas abou di Elmar pa e koriente ku WEB ta entregá.

Un kilowat pa ora pa kasnan di famia ta kosta for di 1 di mei alrededor di 36 sèn, lokual ta mas ku tres sèn ménos ku ta e kaso awor aki.

Konsumidónan grandi riba mil kilowat pa ora ta paga, pa e loke nan ta gasta mas tantu,  kasi 49 sèn pa kilowat pa ora, lokual ta un bahada di algu mas ku dos sèn.

E kuota pa por tin un konekshon ta keda 12,50 florin pa luna.

Espasio

Elmar a anunsiá na 2022 ku lo a bini un subida di preis pa koriente debí na faktornan internashonal fuera di nan alkanse.

“Pero awor ku nos a logra negoshá un kontrato di kompra pa energia mas mihó ku e produktor WEB, esaki a krea sufisiente espasio pa Elmar pa redusí e preis di koriente pa su konsumidónan”’ segun un bosero.